Псалом Давиду, не надписан у еврей, 32

Ра́дуйтеся, пра́веднии, о Го́споде, пра́вым подоба́ет похвала́. Испове́дайтеся Го́сподеви в гу́слех, во псалти́ри десятостру́ннем по́йте Ему. Воспо́йте Ему песнь но́ву, до́бре по́йте Ему со восклица́нием: я́ко пра́во сло́во Госпо́дне, и вся дела́ Его в ве́ре. Лю́бит ми́лостыню и суд Госпо́дь, ми́лости Госпо́дни испо́лнь земля́. Сло́вом Госпо́дним небеса́ утверди́шася, и ду́хом уст Его вся си́ла их. Собира́яй я́ко мех во́ды морски́я, полага́яй в сокро́вищах бе́здны. Да убои́тся Го́спода вся земля́, от Него́же да подви́жутся вси живу́щии по вселе́нней. Яко Той рече́, и бы́ша, Той повеле́, и созда́шася. Госпо́дь разоря́ет сове́ты язы́ков, отмета́ет же мы́сли люде́й, и отмета́ет сове́ты князе́й. Сове́т же Госпо́день во век пребыва́ет, помышле́ния се́рдца Его в род и род. Блаже́н язы́к, ему́же есть Госпо́дь Бог его, лю́ди, я́же избра́ в насле́дие Себе́. С Небесе́ призре́ Госпо́дь, ви́де вся сы́ны челове́ческия. От гото́ваго жили́ща Своего́ призре́ на вся живу́щыя на земли́. Созда́вый на еди́не сердца́ их, разумева́яй на вся дела́ их. Не спасе́тся царь мно́гою си́лою, и исполи́н не спасе́тся мно́жеством кре́пости своея́. Лож конь во спасе́ние, во мно́жестве же си́лы своея́ не спасе́тся. Се о́чи Госпо́дни на боя́щыяся Его́, упова́ющыя на ми́лость Его́. Изба́вити от сме́рти ду́шы их, и препита́ти я́ в глад. Душа́ же на́ша ча́ет Го́спода, я́ко Помо́щник и Защи́титель наш есть. Яко о Нем возвесели́тся се́рдце на́ше, и во и́мя свято́е Его упова́хом. Бу́ди, Го́споди, ми́лость Твоя́ на нас, я́коже упова́хом на Тя.


Радуйтесь, праведные, о Господе: правым прилично славословить.
Славьте Господа на гуслях, пойте Ему на десятиструнной псалтири; пойте Ему новую песнь; пойте Ему стройно, с восклицанием, ибо слово Господне право и все дела Его верны.
Он любит правду и суд; милости Господней полна земля.
Словом Господа сотворены небеса, и духом уст Его - все воинство их:
Он собрал, будто груды, морские воды, положил бездны в хранилищах.
Да боится Господа вся земля; да трепещут пред Ним все живущие во вселенной, ибо Он сказал, - и сделалось; Он повелел, - и явилось.
Господь разрушает советы язычников, уничтожает замыслы народов, [уничтожает советы князей].
Совет же Господень стоит вовек; помышления сердца Его - в род и род.
Блажен народ, у которого Господь есть Бог, - племя, которое Он избрал в наследие Себе.
С небес призирает Господь, видит всех сынов человеческих; с престола, на котором восседает, Он призирает на всех, живущих на земле:
Он создал сердца всех их и вникает во все дела их.
Не спасется царь множеством воинства; исполина не защитит великая сила.
Ненадежен конь для спасения, не избавит великою силою своею.
Вот, око Господне над боящимися Его и уповающими на милость Его,
что Он душу их спасет от смерти и во время голода пропитает их.
Душа наша уповает на Господа: Он - помощь наша и защита наша;
о Нем веселится сердце наше, ибо на святое имя Его мы уповали.
Да будет милость Твоя, Господи, над нами, как мы уповаем на Тебя.